Korçë, 17 nëntor, NOA - Ka rezultuar fatale goditja e një kamioni ndaj një biçiklete për drejtuesin e kësaj të fundit, i cili paskëtaj ka gjetur menjëherë vdekjen.
Lajmi konfirmohet nga burime policore të Korçës për agjencinë e Lajmeve NOA, të cilat bëjnë me dijeni se aksidenti i rëndë rrugor ka ndodhur përkatësisht në rrugën nacionale Korcë-Maliq, në vendin e quajtur Ura e Bulgarecit.
Mësohet se ai është shkaktuar nga 50-vjeçari Festim Myrtollari, lindur dhe banues në Bulgarec të Korçës, i cili duke drejtruar automjetin e tij tip kamion benz me targë KO 1182 B ka aksidentuar për vdekje 62-vjeçarin L. Vija, lindur dhe banues në fshatin Bulgarec.Viktima po udhëtonte me biçikletë në këtë rrugë, por është përplasur për vdekje nga kamioni me të cilin është kryqëzuar në rrugë.
U kryen veprimet proceduriale për veprën penale të "Shkelje e rregullave të qarkullimit rrugor" të parashikuar nga neni 290/1 i Kodit Penal, ndërsa materialet e mëtejshme iu kaluan prokurorisë së Korçës.
n.e/NOA
Â
Â
