Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Korrupsioni, deklaratë e ambasadorëve të BE: Niveli aktual në Shqipëri, një lajm i keq
English

Korrupsioni, deklaratë e ambasadorëve të BE: Niveli aktual në Shqipëri, një lajm i keq

Tiranë, 17 Nëntor NOA - Një grup ambasadorësh të BE kanë vlerësuar mbrëmjen e sotme si lajm të keq, faktin se Shqipëria ka lënë dhjetë vende prapa sa i përket luftës ndaj korrupsionit krahasuar me një vit më parë.

Ambasadorët e Danimarkës, Francës, Gjermanisë, Holandës, Mbretërisë së Bashkuar, dhe i Ngarkuari me Punë i Suedisë thonë se janë njohur me Indeksin e Perceptimit të Korrupsionit 2009 të publikuar nga Transparency International ditën e sotme.

Ky sondazh është konsideruar si indeksi më i besueshëm për matjen e korrupsionit në nivel ndërkombëtar.

Duke komentuar këtë raport, ambasadorët e mësipërm thanë se deklarojnë unanimisht:

"Rënia në rang ndërkombëtar e Shqipërisë është lajm i keq. Ne shpresojmë se kjo renditje do të inkurajojë fuqishëm Shqipërinë për të implementuar në mënyrë urgjente masa për ndryshimin e kësaj tendence dhe për të treguar rezultate konkrete në luftën kundër korrupsionit në të gjitha nivelet"

"Kjo do të jetë thelbësore, - vijon deklarata, - për të çuar para integrimin e Shqipërisë në BE dhe për përmirësimin e mjedisit të biznesit për të tërhequr më shumë investime ndërkombëtare të nevojshme.

Deklarata që u përcoll para pak minutash nga Bernd Borchardt, Ambasador i Republikës Federale të Gjermanisë, mbyllet me pohimin se "ambasadorët përsëritin gatishmërinë e qeverive të tyre për të vijuar mbështetjen e Shqipërisë në këtë luftë kundër korrupsionit".

e.r/NOA

KOMENTE