Bruksel, 19 nëntor, NOA - Bashkimi Evropian nga dita e sotme do të ketë presidentin e tij të ri, një post ky që parashikohet në bazë të traktatit të Lisbonës, i cili hyn në fuqi në muajin dhjetor.
Mësohet se sot në Bruksel do të zhvillohet edhe takimi përkatës që do marrë në shqyrtim diskutimin për zgjedhjen e tij.
Ndërkaq, në këtë takim do të zgjidhet edhe shefi i ri i politikës së jashtme, post i cili deri më sot është mbajtur nga komisionari Havier Solana.
Deri tani nuk ka asnjë kandidat favorit për presidentin, megjithë bisedimet e drejtuara nga Suedia prej javësh, por gjithsesi, emri më i përfolur është ai i ish-kryeministrit anglez Toni Bler.
Kjo edhe pasi, Traktati i Lisbonës përmban si kusht të zgjedhjes së presidentit, atë të të qenit një herë drejtues i një shteti anëtar të Bashkimit Evropian dhe natyrisht, kontribues i politikave të BE-së.
n.e/NOA
