Tiranë, 25 nëntor NOA - Një 31-vjeçar është arrestuar dje pasi u kap teksa po tentonte të vidhte një lokal.
Ngjarja ndodhi mbrëmë kur shërbimet e Patrullës së Përgjithshme të Komisariatit të Policisë Nr.1, në Tiranë bënë të mundur kapjen dhe më pas arrestimin në flagrancë të 31-vjeçarit Sinan Xhepa, i dënuar më parë, për vjedhje dhe plagosje.
Arrestimi i tij u krye pasi në rrugën "Stavri Vinjau", është kapur duke vjedhur në lokal "Amerika", në pronësi të një shtetasi.
Gjatë kontrollit të ushtruar ju gjetën dhe sekuestruan në cilësinë e provës materiale, 3.000 lekë, një palë doreza dhe një kaçavidë.
Ndaj shtetasit Sinan Xhepa u kryen veprimet procedurale dhe materialet i kaluan Prokurorisë, për veprën penale të "vjedhjes".
k.k/NOA