Shkodër, 30 nëntor NOA - Policia e Shkodrës ka arrestuar sot një 57-vjeçar të shpallur në kërkim për armëmbajtje pa leje.
Sipas policisë, paraditen e sotme në vendin e quajtur Fshati Trush, Komuna Berdicë e rrethit Shkodër, është bërë e mundur kapja e 57-vjeçarit të shpallur në kërkim Nuh Gjorretaj, lindur dhe banues në fshatin Trush.
Arrestimi i tij u krye pasi ndaj u ekzekutuar Urdhri i Prokurorisë së Rrethit Gjyqësor Shkodër i datës 18. 09. 2009, për arsye se Gjykata e Rrethit Gjyqësor Shkodër në të njëjtën datë, ka vendosur ndaj 57-vjeçarit masën e sigurisë "arrest në burg", për veprën penale të "Prodhimit dhe mbajtjes pa leje të armëve luftarake".
Policia kreu të gjitha veprimet e duhura proceduriale dhe materialet në ngarkim të Nuh Gjorretaj, i kaluan Prokurorisë së Rrethit Gjyqësor Shkodër, për veprime të mëtejshme.
k.k/NOA
