Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Gjoni: Berisha nuk mund të luftojë krimin e organizuar, është vetë i mbërthyer prej tij
English

Gjoni: Berisha nuk mund të luftojë krimin e organizuar, është vetë i mbërthyer prej tij

Tiranë, 4 dhjetor NOA - Deputeti i Partisë Socialiste, Ilir Gjoni deklaroi sot para mediave se kryeministri Berisha nuk reflekton mbi raportet e korrupsionit.

"Këto ditë kemi parë në media kryeministrin e vendit që ka shkumëzuar me një fjalor banal se si ai do të bëjë thagma për të luftuar krimin e organizuar.

Ju e mbani mend se para disa javësh ne kemi dalë në një konferencë të ngjashme shtypi ku shprehnim shqetësimin tonë për të dhënat e publikuara në raportin më të fundit të Europolit sa i përket krimit të organizuar në Shqipëri. Pas këtij raporti, kryeministri nuk u ndje fare.

Më pas doli raporti i Transparency International i cili e rendiste vendin tonë dhjete shkallë më poshtë nga një vit më parë duke u rënë këmbanave të alarmit për rrezikshmërinë e fenomenit të korrupsionit" tha Gjoni duke përmendur Komisioni Evropian në Dokumentin Strategjik Vjetor, i cili i paraqiti rishtazi vendeve anëtare të BE, në analizën që i bën vendit tonë rithekson se Shqipëria duhet të forcojë shtetin ligjor veçanërisht luftën kundër krimit e korrupsionit.Â

"Përse Berisha dhe Topalli nuk flasin për tunelin e Thirrës dhe miliardat që i çuan dëm. Ata kanë frikë se paratë që kanë përvetësuar do tu ngecin në fyt. Le tu thotë shqiptarëve Sali Berisha sa i ka kushtuar Gardës së Republikës kali me të cilin kalërojnë fëmijët e nipërit e tij në malin e Dajtit ku ai kalon uikended e tij.

Sali Berisha nuk mund të luftojë realisht krimin e organizuar pasi është vetë i mbërthyer prej tij. Para se të derdhë lot krokodili për vajzat e gratë shqiptare ai duhet me veprime konkrete të ndalë valën e trafikimit të tyre për shfrytëzim prostitucioni nga grupet kriminale që veprojnë lirshëm në Shqipëri" tha më tej Gjoni.

k.k/NOA

Â

KOMENTE