Bruksel, 5 dhjetor, NOA - Ndërsa Shtetet e Bashkuara të Amerikës kanë premtuar se do të dërgojnë sipas një strategjie të posaçme 30 mijë trupa shtesë në Afganistan, vendet e tjera të NATO-s së bashku premtojnë të nisin atje 7 mijë ushtarë.
Një fakt të tillë e ka bërë me dijeni sekretari i Përgjithshëm i Aleancës së Atlantikut Verior, Anders Fogh Rasmussen, sipas të cilit 25 shtetet anëtare do të ofrojnë rreth shtatë mijë trupa të reja për misionin e drejtuar nga amerikanët në Afganistan.
dhe se më shumë do të ketë.
Duke e cilësuar dërgimin e këtyre trupave të reja si një shembull të solidaritetit në veprim, Rassmusen e konsideroi thirrjen amerikane për më shumë përkrahje për Afganistanin si të drejtë.
Një seri vendesh si Italia, Polonia, Gjeorgjia dhe Britania publikisht kanë bërë të ditura qëllimet e tyre për të dërguar më shumë forca, por disa aleatë kryesorë si Franca dhe Gjermania ende nuk po japin sinjale mbështetje ndaj kësaj nisme.
n.e/NOA
