Paris, 18 dhjetor, NOA - Reshjet e mëdha të dëborës kanë shkaktuar një kaos të vërtetë për kryeqytetin francez, i cili ka mbetur thuajse i paralizuar nga bllokimi i krijuar prej dëborës.
Kështu, mediat franceze raportojnë se në Paris është krijuar një trafik i madh i makinave në qendër të qytetit.
Ndërkaq, edhe avionët janë vonuar shumë si në nisje, ashtu edhe në mbërritje në dy aeroportet kryesore të Parisit.
Madje, ajo që është më e çuditshme për këtë qytet metropolitan në zemër të Evropës është fakti se nga dëbora qenkan mbyllur edhe parqet e qytetit si dhe Kulla Eiffel, zona këto që vizitohen nga qindra turistë në ditë nga e gjithë bota.
Por sipas mediave franceze, situata është komplikuar edhe më shumë nga greva që prej një jave ka bllokuar linjën më të madhe të metrosë.
n.e/NOA
Â
Â
Â
