Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Berisha pret Zv/Drejtorin e Bankës Gjermane për Zhvillim, Roland Siller
English

Berisha pret Zv/Drejtorin e Bankës Gjermane për Zhvillim, Roland Siller

Tiranë, 22 dhjetor NOA - Kryeministri, Sali Berisha zhvilloi sot një takim me Zv/Drejtorin e Bankës Gjermane për Zhvillim KFW, Roland Siller, shoqëruar nga Ambasadori gjerman në Tiranë, Bernd Borchard dhe përfaqësues të zyrës së KFW në Tiranë.

Berisha shprehu falënderimet për mbështetjen e konsiderueshme financiare që Qeveria gjermane i ka dhënë Shqipërisë, në kuadër të Bashkëpunimit Financiar të cilat zbatohen nga KFW, në sektorët prioritarë për vendin si; furnizimi me ujë dhe kanalizimet, energjetika dhe sektori ekonomik e financiar. Kryeministri theksoi se të gjitha projektet që po financohen nga KFW kanë gjetur një zbatim me efektivitet dhe në kohë në Shqipëri.

Ndërkohë, Ambasadori gjerman Borchard theksoi se ndihma financiare e qeverisë gjermane, vetëm dy vitet e fundit, ka arritur në 120 mil Euro.

Ai theksoi bashkëpunimin shumë të mirë me institucionet shqiptare në realizimin e këtyre investimeve.

Dy projekte të rëndësishme në fushën e energjisë, të cilat do të financohen së shpejti, janë, Linja unazore 110 kV në jug të Shqipërisë dhe Linja e transmetimit 400 kV Shqipëri - Kosovë.

Kryeministri Berisha theksoi se prioritetet shumë të rëndësishme për bashkëpunim në të ardhmen, mbeten ato në sektorin e furnizimit me ujë dhe energjetika, duke u ndalur veçanërisht në tre drejtime kryesore: eficencën e energjisë dhe energjinë e rinovueshme, mbështetje për ndërtimin e hidrocentraleve të vegjël, si dhe projekte të tjera për transmetimin e energjisë.

k.k/NOA

Â

KOMENTE