Tiranë, 23 dhjetor NOA - Një grua shtatzëne ndodhet në gjendje kritike për jetën pasi rezulton e infektuar nga virusi A/H1N1.
Gruaja 5 muajsh shtatzënë me dy binjakë, nga Kukësi, prej dy ditësh, ndodhet e shtruar në repartin e reanimacionit në Senatorium, në Tiranë.
Sipas mjekëve, e reja ndodhet në gjendje kritike për jetën e saj dhe dy binjakëve ndërsa ka probleme me frymëmarrjen.
Gruaja shtatzëne ndodhet e shtruar në spital prej disa ditësh pasi fillimisht ishte shtruar në spitalin e qytetit verilindor të Kukësit, më pas ishte transportuar në Tiranë, në maternitetin "Mbretëresha Geraldine" dhe prej andej në senatorium. Vetëm pak ditë më parë një 18-vjeçare shtatzënë tetëmuajshe e infektuar me virusin e gripit të derrit ndërroi jetë në spital.
k.k/NOA
Â
