Teheran, 25 dhjetor, NOA - Ambasada e Arabisë Saudite në Teheran ka njoftuar autoritetet iraniane se në mjediset e saj ndodhet njëra prej vajzave të Bin Ladenit, njeriut më të kërkuar nga aleatët e NATO-s për terrorizëm. I bërë me dijeni nga zyrtarë të Ministrisë së Jashtme iraniane, lajmi shton ndër të tjera se vajza e kryeterroristit kërkon largimin nga Irani.
Vetë ministri i Jashtëm iranian, Manuçer Motaki, tha se autoritetet iraniane nuk e dinë se si ka hyrë vajza e Bin Ladenit, me emrin Iman, në Ambasadën saudite. Por ai shtoi se nëse autoritetet e Iranit do të jenë në gjendje ta konfirmojnë identitetin e saj, ajo do të ishte e lirë që të largohet nga Irani. Ai nuk i ka përmendur fëmijët e tjerë të Bin Ladenit, që ndoshta gjenden në ambasadën e Arabisë Saudite dhe nuk është pyetur nëse zyrtarët iranianë po i mbajnë ata.
n.e/NOA
