Durrës, 30 dhjetor NOA - Antidroga e policisë së Durrësit ka organizuar mbrëmë një operacion të koduar "Fundviti" i cili u finalizua me shkatërrimin e një grupi shpërndarësish lëndësh narkotike që vepronin në qytetin e Durrësit.
Agim Moriseni, 42-vjeç, Jonida Fekollari, 20-vjeçe dhe Ardinand Petova, 21-vjeç janë arrestuar dje nga policia pasi akuzohen se shisnin drogë.
Burime nga policia thanë se 42-vjeçari Moriseni drejtonte dy të rinjtë të shpërndanin lëndë narkotike në zona të ndryshme të qytetit bregdetar.
Në momentin e arrestimit 21-vjeçarit Ardinand Petova iu gjet sasia prej 1.35 gram lënde të cilën dyshohet t'ia ketë dhënë 20-vjeçarja Jonida Fekollari.
Kjo e fundit dyshohet ta ketë marre sasinë e lëndës narkotike tek 42-vjeçari Agim Morseni.
Nga kontrolli i ushtruar, Petovës iu gjet sasi prej 31,85 gramë lëndë narkotike si dhe nga kontrolli në banese iu gjet sasia prej 6.15 gramë lëndë e dyshuar si kokainë.
k.k/NOA
