Tiranë, 31 dhjetor NOA - I shkul varësen e floririt nga qafa një vajze, prangoset 20-vjeçari.
Ngjarja ndodhi dje në "Bulevardin "Zogu i I-rë" në Tiranë kur Lavdrim Dafku 20-vjeç dyshohet se i ka vjedhur varësen e floririt një vajze.
E reja ka lajmëruar menjëherë policinë për ngjarjen.
Oficerët e policisë së komisariatit nr.3, janë vënë menjëherë në lëvizje për të identifikuar dhe kapur autorin e vjedhjes.
E dëmtuara ka përshkruar të dhënat fizike të autorit duke krijuar dhe identikitin e tij çka ka ndihmuar policinë në zbulimin e autorit.
Vetëm pak orë më pas policia mundi të identifikonte dhe arrestonte të riun.
k.k/NOA