Romë, 13 janar, NOA - Ministria e Jashtme Italiane është duke verifikuar orët e fundit gjendjen e qytetarëve italianë të cilët ndodhen në Haiti, pas rënies së tërmetit. Sipas deklarimeve të Ministrisë së Punëve të Jashtme në Haiti jetojnë rreth 100 italianë dhe si pasojë e tërmetit është penguar komunikimi duke vështirësuar punën lidhur me numrin e saktë të qytetarëve italianë që mund të jenë goditur nga tërmeti.
Gianfranco Del Pero, i ngarkuari me punë pranë Ambasadës Italisë në Santo Domingo, ka thënë se nuk ka viktima në delegacionin diplomatik italian në Haiti. Në të gjitha vendet e Karaibeve, Italia përfaqësohet me nga një konsull nderi.
Pas tërmetit situata në Haiti paraqitet e rëndë. Shumë ndërtesa në kryeqytetin Port-au-Prince janë shembur.
a.k/NOA
