Itali, 16 Janar NOA - Tek ekipi i Juventus që tashmë është në emergjencë në sulmin e saj për shkak të dëmtimeve të sulmuesve Iaquinta dhe Trezeguet ka ardhur një rikthim i rëndësishëm i lojtarit Michele Paoluçi.
Ai është rritur si futbollist në ekipet e të rinjve të Juventus dhe më pas ka luajtur me ekipet e Ascolit, Udinezes, Atalantës, Catanias dhe Siennës ku ka bërë 79 prezantime në fushën e lojës duke realizuar 15 gola.
Juventus e ka marrë lojtarin në formë huazimi për një shumë prej 300 mijë eurosh ku Paoluçi do të qëndrojë tek ekipi i Ferrarës deri në fund të këtij sezoni.
Ai ka marrë pjesë në seancën stërvitore të Juventusit dhe mund të jetë në fushën e lojës që të dielën në transfertën e Veronas duke parë që karahas dëmtimeve të shumta është i skualifikuar dhe sulmuesi brazilian Amauri.
Michele Paoluçi mund të luajë përkrah Del Pieros në sulm duke pasur dhe mbështetjen e Diegos nga pas.
r.b/NOA
