Milano, 28 Janar NOA - Në një konferencë për shtyp të dhënë ditën e sotme në mediat Italiane tekniku i Interit, Jose Mourinjo është shprehur për skualifikimin që është dhënë në lidhje me ndeshjen e derbit.
Ai ka thënë se për të ka qenë një dhuratë për ditëlindje dhe duke ironizuar është shprehur se nuk e priste një gjë të tillë.
Për pezullimin e Sneijder për shkak të ironisë që përdori në drejtim të arbitrit të ndeshjes ai bëri krahasim me lojtarin e Milanit, Marco Boriello duke thënë se kur ai bëri të njëjtën gjë me gjyqtarin e ndeshjes nuk u ndëshkua madje ai pati një përqafim me të dhe duke ironizuar përsëri tha se kjo skenë e kishte emocionuar atë.
Krahas kualifikimeve ai u shpreh dhe për çështjen e Ferrarës duke thënë: "Ferrara është një hero pasi të qëndrosh për një kohë të gjatë në pankinat e një skuadre të kampionatit Italian është tepër e vështirë" ,- u shpreh tekniku zikaltër duke kritikuar kështu edhe njëherë tjetër kampionatin Italian të Seria A.
r.b/NOA
