Devoll, 29 Janar NOA - Masakra e trefishtë që ndodhi sot në mesditë në fshatin Vidohovë të rrethit Devoll i ka rrënjët shtatë vjet më parë kur Liliana Mulliri vrau një fëmijë shtatë vjeçar dhe e hodhi në pus.
Viktimat janë Tauland, Xhilian dhe Eldi Mulliri, tre fëmijët nga 9 deri 12 vjeç të Liliana Mullirit, e cila gjendet në burg për akuzën e vrasjes me paramendim.
Në burg u fut njëkohësisht me dënimin e Lilianës, edhe ish-i dashuri i saj Gentian Xhihani, xhaxhai i fëmijës Alberto Xhihani, për moskallëzim krimi.
Korrespondentja e agjencisë NOA e cila ndodhet në vendngjarje, thotë se ngjarja e sotme ndodhi në orën 13.55 minuta në fshatin Vidohovë kur një person që dyshohet të jetë i afërm i Alberto Xhihanit, ka qëlluar me armë zjarri duke lënë të vdekur në vend tre fëmijët e Liliana Mullirit.
a.f/e.r/NOA
Vijon...