Janë Shalke, Bajern, Augsburg dhe Verder
Berlin, 11 Shkurt NOA/DW - Në kuadër të garave të çerekfinales së kupës së Gjermanisë në futboll, mbrëmë u shënuan këto rezultate: Bajerni i Munihut mundi në fushën e vet ekipin Grojter Fyrt me rezultatin 6:2.
Ekipi i ligës së dytë Augsburg mundi Këlnin me rezultat 2:0. Ndërsa Shalke fitoi 1:0 ndaj ekipit të ligës së tretë Osnabryk.
Një natë më parë në gjysmëfinale është kualifikuar Verderi i Bremenit pasi që mundi ekipin e Hofenhajmit. Në gjysmëfinale do të ndeshen Verder Bremen - Augsburg dhe Shalke - Bajern.
