Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Leonardo, i shqetësuar për gjendjen e Milanit
English

Leonardo, i shqetësuar për gjendjen e Milanit

Milano, 12 Shkurt NOA - Tekniku i Milanit braziliani Leonardo është tepër i shqetësuar për gjendjen aktuale të ekipit të tij i cili nuk po arrin dot të dalë tek rezultatet pozitive, një gjendje e cila e kishte përfshirë atë dhe në fillim të kampionatit.

Ai është shprehur mjaft i shqetësuar për klasifikimin e kuq e zinjve pasi ata u kaluan nga Roma e Ranierit. Leonardo ka thënë se Roma është një ndër ekipet më të fortë të kampionatit Italian dhe Milani sipas tij duket të jetë mjaft i kujdesshëm nga kjo skuadër, pasi Roma vazhdon të marrë një vazhdimësi rezultatesh pozitive duke e përforcuar forcën e saj në kampionat.

Leonardo në ndeshjen me Udinezen duket se do të ketë në dispozicion Nestën dhe Paton, ku ish-laciali mund të nisë lojën që nga minuta e parë ndërsa për Paton mendohet që aktivizimi i tij të jetë vetëm për një pjesë të lojës, pasi ai vjen pas një dëmtimi të gjatë dhe nuk është në gjendje të rezistojë për 90 minutat e ndeshjes.

Me rikthimin e tyre Leonardo ka thënë se do të jetë një forcë më tepër në ekipin e tij dhe tashmë ata kanë mundësinë për të ngushtuar diferencën e madhe që kanë me Interin i cili barazoi me Pramën në ndeshjen e djeshme.

r.b/NOA

KOMENTE