Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Meta vizitë në Ljubljanë, pritet nga homologu i tij slloven
English

Meta vizitë në Ljubljanë, pritet nga homologu i tij slloven

Tiranë, 12 shkurt, NOA - Ministri i Punëve të Jashtme, Ilir Meta u prit nga homologu i tij slloven, Samuel , në kuadër të një vizite zyrtare në Slloveni. Lajmi konfirmohet zyrtarisht për agjencinë e Lajmeve NOA, duke shtuar se në qendër të bisedimeve ishin thellimi i mëtejshëm i marrëdhënieve dypalëshe, bashkëpunimi në kuadër të NATO-s, procesi i integrimit të Shqipërisë në BE, liberalizimi i vizave, si dhe roli që të dy vendet luajnë në rajon.

Nga ana e tij, ministri i Punëve të Jashtme të Sllovenisë pasi shprehu kënaqësinë e tij për vizitën e Metës në Ljubljanë, i vlerësoi marrëdhëniet mes Sllovenisë dhe Shqipërisë si të shkëlqyera, duke veçuar se nuk ka asnjë çështje të hapur mes dy vendeve.

Në këtë kuadër, Žbogar tha se hapja e ambasadës sllovene në Tiranë, jo vetëm që tregon interesin e qartë për forcimin e marrëdhënieve dypalëshe, por do të japë një kontribut konkret në ngritjen e bashkëpunimit ekonomik mes dy vendeve në një nivel shumë më të lartë.

Žbogar gjithashtu shprehu vullnetin e Sllovenisë për të rritur në mënyrë konkrete nivelin e shkëmbimeve tregtare dhe për të inkurajuar interesin e investitorëve sllovenë në Shqipëri, veçanërisht në fushat e energjetikës, infrastrukturës, transportit dhe telekomunikacioneve.

Nga ana e tij, Meta, pasi e falënderoi homologun e tij për ftesën dhe mikpritjen e ngrohtë, shprehu kënaqësinë e tij për nivelin e shkëlqyer të marrëdhënieve mes dy vendeve dhe ndjenjat e miqësisë tradicionale që ekzistojnë mes dy popujve.

Në këtë kuadër, ai shprehu mirënjohjen e qeverisë shqiptare për mbështetjen e vazhdueshme që Sllovenia i ka dhënë Shqipërisë për liberalizimin e vizave dhe në proçesin e integrimit Euro-Atlantik.

Meta theksoi se tashmë ka ardhur koha që të dy vendet të angazhohen konkretisht për rritjen e bashkëpunimit në të gjitha fushat me interes të ndërsjelltë dhe se hapja e ambasadës sllovene në Tiranë është një hap i rëndësishëm në këtë drejtim.

n.e/NOA

KOMENTE