Tiranë, 12 shkurt, NOA - Me magnitudë vetëm 3.4 të shkallës Rihter, një tërmet ka goditur mëngjesin e sotëm zonën e kryeqytetit të vendit.
Lajmi është konfirmuar nga përfaqësuesi i Institutit Sizmiologjik në Tiranë, Llambro Duni, sips të cilit bëhet fjalë për një tërmet i cili e ka patur epiqendrën e goditjes së tij në fshatin Shëngjergj.
Më tej, ai ka sqaruar se epiqendra më e thellë e këtij tërmeti ka qenë në Bulqizë, prej nga u shkaktua dhe goditja, e cila sipas specialistit sizmiologjik nuk mund të konsiderohet si e fortë.
Madje, Duni ka shtuar se nuk ka vend për shqetësim pasi nuk mund të ketë as pasgoditje të këtij tërmeti.
n.e/NOA
