Prishtinë, 15 shkurt, NOA - Kryeministri i Belgjikës, Iv Leterm ka ndërprerë vizitën në Kosovë dhe është nisur për në Bruksel, pas lajmit për aksidentin e trenave ku e humbën jetën 20 vetë.
Gjithashtu, kryeministri belg ka ndërprerë dhe një vizitë që ishte planifikuar të mbahej nesër në Tiranë. Kryeministrit Sali Berisha, në mbledhjen e Grupit Parlamentarë të PD-së, i shprehur ngushëllimet e tij qeverisë belge në lidhje me tragjedinë hekurudhore. Berisha gjithashtu konfirmoi dhe faktin se vizita e kryeministrit belg në Tiranë është anluar.
Pos sot zyra e qeverisë së Kosovës tha se të gjitha takimet me zyrtarët e Kosovës janë anuluar.
Vizita e Leterm në Kosovë ishte e para në turneun në Ballkan që përfshinte edhe vizitat në Shqipëri, Mal të Zi dhe Serbi.
Dy trenat e udhëtarëve që u përplasën sot në Bruksel lanë të paktën 20 të vdekur dhe rreth 150 të plagosur.
xh/NOA
