Tiranë, 16 shkurt, NOA - Të përndjekurit politikë zhvilluan sot një protestë para godinës së Gjykatës Kushtetuese me thirrjet për hapjen e dosjeve të Sigurimit të Shtetit. Sipas tyre, ka ardhur koha që të largohen nga sistemi i drejtësisë ish-hetuesit e regjimit komunist. Drejtuesit të protestës ishin përfaqësues të shoqatave të të përndjekurve politikë të cilët ngritën zërin për zbardhjen e krimeve të komunizmit si dhe zbulimin e varreve ku janë groposur të ekzekutuarit pa gjyq gjatë regjimit totalitar në Shqipëri.
Duke mos harruar as çështjen e dëmshpërblimit financiar sipas ligjit në fuqi, ata e konsideruan këtë si një gjë që duhet ta përfitojnë sa më parë për të kompensuar vuajtjet e shkaktuara diktatura komuniste.
Pak ditë më parë, Gjykata Kushtetuese e rrëzoi ligjin "Për Lustracionin", i paraqitur nga qeveria, i cili parashikonte hapjen e dosjeve të ish-Sigurimit të Shtetit dhe largimin nga postet publike të personave që kanë figuruar si zyrtarë të kohës së diktaturës që bashlëpunonin me të.
n.e/NOA
