Torino, 22 Shkurt NOA - Pasi ka marrë fitoren e tretë radhazi trajneri i Juventus, Alberto Zakeroni është shprehur mjaft optimist për sa i përket të ardhmes së ekipit të tij.
"Jemi në rrugë të drejtë edhe pse është mjaft e vështirë të stërvitesh për dy kompeticione", - deklaroi Zakeroni duke shprehur mendimin e tij për gjendjen aktuale të skuadrës.
Tekniku bardhë e zi më pas ka elozhuar dhe lojtarin e tij Diego, për të cilin ka thënë se është një lojtar që në rolin e ti bën diferencën dhe po vazhdon të rrisë nivelin e tij, ku sipas Zakeronit e vetmja gjë që duhet të bëjë braziliani është që të ambientohet më shumë me kampionatin Italian.
Gjithashtu ai ka folur dhe për pozicionin e tij ku ka pohuar se do të qëndrojë deri në fund të këtij sezoni dhe më pas do të shohë se çfarë do të vendosin drejtuesit e klubit bardhë e zi në lidhje me të.
r.b/NOA
