Prishtinë, 27 shkurt, NOA - Përfaqësimi i Kosovës përmes UNMIK-ut ka marrë fund që nga shpallja e pavarësisë. Një fakt të tillë e bëjnë me dijeni autoritetet e larta në Prishtinë, duke iu përgjigjur në këtë mënyrë thirrjeve të Beogradit që Kosova të prezantohet në konferenca rajonale si pjesë e UNMIK-ut. Duket se autoritetet kosovare janë plotësisht kundër një fakti të tillë, duke pohuar se Kosova tani që është e pavarur nuk mund të përfaqësohet më përmes UNMIK-ut.
Bëhet fjalë për mbajtjen e takimit të liderëve të rajonit në Slloveni, ku Serbia ka propozuar që atje delegacioni i Kosovës të jetë pjesë e UNMIK-ut.
Por ky propozim është hedhur kategorikisht poshtë nga kosovarët.
Që nga shpallja e pavarësisë, pjesëmarrja e Kosovës në konferencat rajonale kryesisht është sfiduar nga Serbia, e cila ka kërkuar që ky përfaqësim të bëhet sipas Rezolutës 12 44 të Këshillit të Sigurimit të OKB-së, çka nënkuptonte që delegacionet e Kosovës të jenë pjesë e UNMIK-ut.
n.e/NOA
