Milano, 4 Mars NOA - Ekipi i Interit në fundjavë ka një sfidë mjaft të vështirë përballë skuadrës së Genovas dhe Mourinjo, në seancën e sotme stërvitore ka luajtur pa 13 lojtarë të cilët ishin të thirrur nga përfaqësueset e tyre respektive.
Për teknikun zikaltër mund të thuhet se do të fillojë të mendojë për këtë sfidë kur lista e plotë e lojtarëve të jetë në dispozicion të tij. Lajmi i mirë është që mbrojtja e ekipit nuk do të jetë më në emergjencë, kjo duke parë rikthimin e Cordobas, Samuel dhe Materazi, ndërsa për sa i përket mungesave do të jenë Casmbiaso, Chivu dhe Santon të cilët po vuajnë dëmtimet e tyre respetive. Mourinjo gjithashtu po mendon për një turnover të rëndësishëm në ekipin e tij, kjo duke parë që shumë lojtarë kanë ndenjur në fushë për një kohë mjaft të madhe dhe gjithashtu në mesjavë Inter ka një sfidë e cila e pret dhe është tepër e vështirë, pasi zikaltërit do të kenë ndeshjen e kthimit me Çelsin e Ançelotit nëChampions League. r.b/NOA