Spanjë, 18 Mars NOA - Ekipi spanjoll i Barcelonës i është përgjigjur skuadrave të mëdha të Evropës duke arritur të fitojë dhe të kualifikohet në fazën e çerek finaleve të Ligës së Kampionëve.
Një ndeshje e cila pati vetëm ekipin e Guardiolës në fushën e lojës pasi ata arritën të realizonin një lojë perfekte duke treguar se janë pretendentët kryesor për këtë titull me në krye lojtarin e tyre Lionel Messi, i cili arriti të realizonte një lojë magjike për ata dhe të shënonte dy gola në këtë garë.
Për ekipin e Barçës shënoi dhe Pedro, i cili realizoi golin e dytë të takimit ndërsa, ai i fundit u shënua nga Bojan vetëm në minutën e 90 të kësaj sfide duke bërë të mundur fitoren 4 me 0 ndaj klubit gjerman të Shtutgardit.
Një kualifikim ky i ekipit të Barcelonës i cili tregon se ekipet e tjera duhet të përballen më parë pikërisht me ata, për të fituar trofeun e Ligës së Kampionëve.
r.b/NOA
