Tiranë, 21 Mars NOA - Një përplasje e armatosur ka ndodhur disa minuta më parë në zonën e ish-Bllokut në kryeqytet, por nuk raportohen persona të dëmtuar nga qitja e plumbave.
Burime okulare i thanë agjencisë NOA se ngjarja ka ndodhur sot në orën 10.10 të mbrëmjes kur disa djem të rinj, identitetet e të cilëve ende nuk janë zbardhur zyrtarisht, janë konfrontuar mes tyre duke rrezikuar jetë njerëzish.
Në gjaknxehtësi e sipër një pistoletë ka dalë nga grupi i përfshirë në sherr dhe personi që e posedonte atë ka hapur zjarr duke qëlluar.
Policia tha se plumbat janë hedhur në ajër, kurse me afrimin e agjentëve të saj, grupi është shpërndarë.
Një varg shoqërimesh është duke u kryer në këto momente në zonën e ish-Bllokut, pranë vendit ku ndodhi incidenti.
e.r.NOA
