Angli, 28 Mars NOA - Ka disa ditë në të cilat në ambientet e klubit anglez të West Ham qarkullojnë emrat e zëvendësuesit të Zolës por, akoma nuk është vendosur se kush do të jetë.
Ajo që dihet me siguri është largimi i teknikut italian nga ky ekip pasi situata e West Ham në shpëtimin nga rënia e kategorisë së parë të Premier League po bëhet gjithnjë e më e vështirë.
Sipas të përditshmes "Daily Mail", ditën e djeshme vetë tekniku italian nuk i ka lejuar drejtuesit e klubit të merrnin pjesë në seancën stërvitore të ekipit, ku ishte në program një ballafaqim midis vetë Zolës dhe lojtarëve të klubit.
Kjo sipas tyre vjen si rrjedhojë e deklaratave të vetë drejtueseve në veçanti të David Sullivan, i cili nuk ka treguar besim tek tekniku italian.
Edhe pse Zola është shprehur mjaft optimist për mos rënien nga kategoria të ekipit, roli i tij në këtë ekip nuk është më i sigurt.
r.b/NOA
