Bilisht, 31 mars, NOA - Një aksident i rëndë me pasojë vdekjen, mësohet se ka ndodhur duke u gdhirë dita e sotme, saktësisht në orën 03:45 të mesnatës, në aksin rrugor Bilisht-Miras.
Lajmi konfirmohet në mënyrë paraprake nga burimet policore të Korçës, sipas të cilave, viktima e shkaktuar nga aksidenti i mësipërm është Arif Aliko, rreth 53 vjeç.
Burimet shtojnë se ka qenë Thanas Temo, i cili po drejtonte mjetin e tij tip Benz me targa DV 2118 A dhe që është përplasur më pas me një karrocë dhe për pasojë ka gjetur vdekjen i lartpërmenduri.
Grupi hetimor është duke shqyrtuar të gjitha rrethanat e ngjarjes për ta zbardhur në mënyrë të plotë atë, ndërsa materialet përkatëse do t'i kalojnë prokurorisë së Korçës.
n.e/NOA
