Angli, 1 Prill NOA - Ishte me të vërtet një ndeshje spektakolare ajo që u zhvillua mbrëmjen e djeshme në Ligën e kampionëve midis, Arsenalit dhe Barcelonës.
Kjo sfidë përfundoi me rezultatin 2 me 2 por, rastet për të shënuar ishin të shumta nga të dy krahët.
Barça e nisi mjaft mirë ndeshjen ku në fillimin e pjesës së parë ata patën shumë okazione për të kaluar në avantazh por, nuk arritën të finalizonin në mënyrën e duhur.
Pjesa e parë e këtij takimi përfundoi me rrjeta të paprekura dhe menjëherë, në fillimin e së dytës ishin djemtë e Guardiolës të cilët kaluan në avantazh me anë të Ibrahimoviç ku ky i fundit realizoi që në minutën e parë të saj.
Më pas Barcelona dyfishoi rezultatin sërish me suedezin i cili shënoi në minutën e 59 të takimit.
Në vazhdim të ndeshjes duhet thënë se ajo më pas kaloi në krahun tjetër, ku Arsenal filloi të krijonte raste për të shënuar dhe u shpërblye në minutën e 69 të sfidës ku për to shënoi Ualkot i cili sapo ishte aktivizuar nga Venger.
Për të barazuar shifrat dhe për të vendosur rezultatin final të kësaj gare mendoi kapiteni i Arsenalit, Cesc Fabregas i cili shënoi nga pika e bardhë e penalltisë.
Ishte me të vërtetë një ndeshje që dhuroi shumë emocione dhe gola ku tashmë mbetet vetëm sfida e kthimit e cila do të vendosë ekipin që do të kualifikohet për në gjysmëfinalet e Ligës së Kampioneve.
r.b/NOA
