Uashington, 2 prill, NOA - Vdiq në moshën 90-vjeçare, shërbëtori më i famshëm i Shtëpisë së Bardhë, një mjeshtër i përsosur dhe me etiketë, i cili ka qenë në shërbim të plot tetë presidentëve amerikanë, nga Truman deri te Regani dhe që deri më sot, i ka ruajtur me xhelozi sekretet e tyre.
Ky është Eugen Allen, nga Virxhinia, i cili u vu në një vend nderi mes të ftuarve prej presidentit amerikan, Barak Obama, për rolin e tij në Shtëpinë e Bardhë, prej dekadash duke u shërbyer të mëdhenjve.
Stili i tij fin dhe besimi që krijonte, i dha atij simpatinë e tetë kryetarëve të SHBA-ve, pa u paragjykuar asnjëherë se ishte njeri me ngjyrë.
Shumë veta iu lëshuan atij për t'i marrë të dhëna për të shkruar ndonjë libër, për të bërë ndonjë film, apo dokumentarë televizivë, por ai gjithmonë i refuzoi këta tipa.
n.e/NOA
