Tiranë, 3 Prill NOA - Një zjarr ka shpërthyer pak minuta më parë në Tiranë pranë Spitalit Ushtarak, në një dyqan-kioskë, duke përhapur rrezen e flakëve edhe në një banesë që ndodhet pranë saj.
Burime në vendngjarje i thanë agjencisë NOA se ngjarja ndodhi në një Fast-Food që ndodhet në lagjen "Laprakë", afër Spitalit Ushtarak. Ngjitur me dyqanin gjendet edhe një banesë ndaj edhe zjarri u përhap në të dy ambientet.
Paraprakisht raportohet për dëme të konsiderueshme në njësinë tregtare e cila u dogj plotësisht si dhe dëmtime më të vogla te banesa.
Forca të policisë së Tiranës dhe një ekip i Repartit të Mbrojtjes Kundër Zjarrit kanë mbërritur në vendngjarje duke bërë të mundur lokalizimin dhe shuarjen e zjarrit te banesa por dyqani u dogj i tëri.
Konfirmohet se nuk ka asnjë të lënduar nga shpërthimi i zjarrit. Policia tha se dyshimet e para bien një shkëndije elektrike në mjediset e gatimit të Fast-Food-it
e.r/NOA
