Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Enti Shtetëror i Statistikave Shkup, Kosovën e njeh si Beogradi
English

Enti Shtetëror i Statistikave Shkup, Kosovën e njeh si Beogradi

Shkup, 7 prill, NOA - Enti Shtetëror i Statistikave si një nga institucionet e paprekshme dhe kontroverse lidhur me publikimin e shifrave të ndryshme, ka shkaktuar skandalin e radhës, i cili ka të bëjë me qasjen e këtij institucioni ndaj Republikës së Kosovës.

Në raportin e djeshëm për shkëmbimin tregtar me vendet e jashtme, sidomos ato fqinje, Republika e Kosovës si një nga importuesit më të mëdhenj të mallrave nga Maqedonia, njihet sipas Rezolutës 1244.

Me këtë rezolutë vazhdon trajtimi i Kosovës edhe nga ana e Serbisë. Republika e Kosovës në raportin e ESSH-së nuk është përmendur si një nga vendet prioritare të shkëmbimit tregtar, ndërsa në tabelat e detajuara Kosova është shkruar me prefiksin "Kosovo/UNSCR1244".

Nga ESSH nuk kanë dashur të komentojnë këtë duke theksuar se të gjitha informacionet janë dhënë në raportin e përgjithshëm lidhur me shkëmbimin tregtar dhe se ky institucion praktikon agjendat dhe prefikset që përdoren nga organizatat ndërkombëtare financiare dhe ekonomike.

Sipas ESSH-së, partnerët më të mëdhenj tregtar të Maqedonisë janë Gjermania, Rusia, Greqia, Serbia dhe Bullgaria. Në raportin e publikuar, Kosova renditet si një nga vendet e dyta pas Gjermanisë që importon mallra nga Maqedonia.

Shuma e importit të mallrave shkon në 51 milion dollarë gjatë muajve janar-shkurt 2010, edhe pse shkalla e përgjithshme e shkëmbimit tregtar midis dy vendeve është 53 milion dollarë, që do të thotë se Kosova importon mallra në Maqedoni vetëm për rreth 2 milion dollarë.

NOA-INA

KOMENTE