Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Shëndeti publik alarm: Tirana kërcënohet nga vdekjet
English

Shëndeti publik alarm: Tirana kërcënohet nga vdekjet

Tiranë, 7 prill, NOA/ Blerina Ahmetaj - E gjithë bota po numëron një popullsi më të madhe në qytet se në fshat dhe kjo kërcënon popullsinë nga sëmundjet e ndryshme infektive.

Sipas të dhënave të Organizatës Botërore të Shëndetësisë një nga kërcënimet e shëndetit publik është ndotja e ajrit prej të cilit këtë vit pritet të vdesin rreth 1.2 milionë njerëz në botë.

Edhe Shqipëria nuk përjashtohet nga rreziku që i kanoset shëndetit publik si pasojë e mbipopullimit të qyteteve.

Lëvizjet demografike të viteve pas '90, kanë rritur disa fish numrin e popullsisë në qytetet e mëdha duke rritur alarmin e përhapjes së sëmundjeve të ndryshme që vijnë nga faktorë në risk socialë.

Shëndetësia shqiptare ka dhënë alarmin për kryeqytetin tonë, Tiranën, i cili numëron sot rreth 1 milionë banorë.

Ministri i Shëndetësisë, Petrit Vasili, ka theksuar se për mbrojtjen e shëndetit publik duhet bashkëpunim i qeverisjeve dhe zbatimi i politikave shumëplanëshe.

Ndërsa ekspertja e zyrës së OBSH në Tiranë, Ledia Lazri, theksoi se qytetet ballafaqohen sot nga një kërcënim i trefishtë, që janë sëmundjet infektive, sëmundjet ngjitëse dhe dëmtimet aksidentet rrugore, dhuna e krimi.

Ajo e konsideroi Shqipërinë ndër vendet e para në rajon përsa i takon ndotjes së ajrit e cila shkakton sëmundje kancerogjene me pasojë vdekjen.

Lazri tha se qytetet shqiptare gjenden sot të papërgatitura para këtij rreziku.

Sipas të dhënave të ISHP, trafiku dhe pluhuri i shkaktuar nga makinat përbën shkakun kryesor të ndotjes së ajrit dhe pranisë së gazrave kancerogjene.

Situata paraqitet më problematike në Tiranë ku ndotja e ajrit është katër herë më e lartë se normat e Bashkimit Evropian.

Grimcat e respirueshme që shkaktohen nga pluhuri prej vitesh rezultojnë në nivele të larta krahasuar me normat e bashkimit Evropian.

Qëndrueshmëria e shifrave tregon se nuk janë marrë masat e duhura për reduktimin e ndotjes së ajrit.

Sipas parashikimeve të ekspertëve të OBSH, gjatë 30 viteve të ardhshme, pothuajse e gjithë rritja e popullsisë do të jetë në zonat urbane dhe varfëria globale është duke u përqendruar në qytete.

Për këtë arsye nevojiten politika të shëndosha në të gjitha fushat e qeverisjes për përmirësimin e shëndetit urban.

b.a/n.e/NOA

KOMENTE