Uashington, 8 prill, NOA - Ndërsa po provonte të pinte duhan në tualetin e aeroplanit, një diplomat nga Katari ka ngjallur dyshimet se po përpiqej të aktivizonte një bombë të vendosur në këpucën e tij.
Kaq ka mjaftuar që administrata e sigurisë së transportit të Shteteve të Bashkuara të vihet në alarm dhe ta arrestojë udhëtarin nga Katarin i cili po udhëtonte në aeroplanin amerikan të udhëtarëve nga Uashingtoni për në Denver.
Megjithatë, zyrtarët thonë se incidenti nuk duket se ishte kërcënim serioz i sigurisë, pasi raportohet se në aeroplan nuk është gjetur eksploziv.
Paskëtaj, aeroplani me 157 udhëtarë dhe 6 anëtarë të ekuipazhit, siguroi uljen në mënyrë të sigurt në pistën e Denverit. Pasi burri nga Katari ishte pyetur nga shoqëruesit e fluturimit, ai kishte bërë me sa duket një vërejtje pa vend.
n.e/NOA
