Mamurras, 21 prill, NOA - Një person ka rënë në prangat e policisë së Kurbinit, pasi ka qëlluar në ajër me automatik, brenda oborrit të banesës së tij.
Bëhet fjalë për 63-vjeçarin Rifat Shala, lindur dhe banues në Mamurras, i cili është ndaluar për veprën penale të "Prodhimit dhe mbajtjes pa leje të armëve e municioneve luftarake" dhe "Prishje e rendit dhe qetësisë publike", parashikuar nga nenet 278/2 dhe 274 të Kodit Penal.
Në vendngjarje, ka shkuar menjëherë grupi hetimor, ku në cilësinë e provës materiale u gjendën dhe u sekuestruan 30 copë gëzhoja automatiku, por nuk u bë dot e mundur gjetja e armës së krimit.
Materialet do t'i kalojnë prokurorisë së Kurbinit për hetime të mëtejshme.
n.e/NOA
