Tiranë, 23 prill, NOA - Një defekt i rëndë ka ndodhur në ujësjellësin e Bovillës, i cili siguron furnizimin me ujë të pijshëm për një pjesë të madhe të kryeqytetit, duke rrezikuar seriozisht këtë proces.
Lajmi është bërë me dijeni nga vetë Ndërmarrja e Ujësjellësit të Tiranës, sipas të cilës, avaria ka ndodhur në tubat kryesorë të Bovillës, çka do të shoqërohet edhe mungesën e ujit në disa zona të kryeqytetit.
Ekspertët bëjnë me dijeni ndërkaq, se punonjësit e Ujësjellësit janë duke bërë ç'është e mundur në mënyrë që të riparojnë defektin e shkaktuar, për të mos lejuar ndërprerjet e gjata në kohë të furnizimit me ujë në Tiranë.
n.e/NOA
