Tiranë, 24 prill, NOA - Kryetari i Partisë Socialiste, Edi Rama, do të pranojë që të realizohet një debat publik me kryetarin e Partisë Demokratike, Sali Berisha, vetëm nëse ky i fundit realizon kërkesën politike të opozitës për hapjen e kutive.
Një fakt të tillë e ai ka pohuar gjatë një konference për shtyp, i pyetur nga gazetarët lidhur me propozimin që vetë kryeministri Berisha bëri dje para tij gjatë një forumi mediatik."Sapo Sali Berisha të hapë kutitë, atëherë do të pranoj të debatoj me Berishën. Vetëm atëherë do jem gati të pranoj një debat, ku të dojë dhe sit ë dojë Sali Berisha", tha Rama.
Ndër të tjera, ai theksoi se qeveria është jolegjitime dhe për këtë opozita do të vijojë aksionin e saj përmes protestash
m.xh/NOA
