Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Gjejnë kasafortën bosh në lokal, hajdutët grabisin portofolin e rojes
English

Gjejnë kasafortën bosh në lokal, hajdutët grabisin portofolin e rojes

Fier, 26 prill, NOA - Kanë hyrë me maska dhe armë në një lokal për të vjedhur, por kanë mbetur të zhgënjyer kur zbuluan se mundimi i tyre shkoi huq, pasi kasaforta ishte bosh.

Të inatosur, ata kanë goditur më pas punonjësin e lokalit, 25-vjeçarin Ervis T., duke i marrë portofolin që mbante në brez, ku i ndodheshin 700.000 mijë lekë të vjetra dhe më pas janë larguar në drejtim të paditur.

Ngjarja ka ndodhur në qytetin e Fierit, ku sipas burimeve policore njoftohet se konkretisht grabitja u krye në lokalin e lojërave të fatit, në pronësi të një personi me inicialet S.M.

Detajet e ngjarjes tregojnë se kanë qenë dy persona rreth moshës 25 vjeç, të maskuar me kokore, të cilët dyshohet se me përdorim të armës, kanë kërcënuar punonjësin e këtij lokali duke i kërkuar që të hapë kasafortën dhe t'u japë lekët.

Dhe pasi panë se ajo ishte bosh, ndodhi edhe grabitja e parave të lartpërmendura në portofolin e rojes së lokalit.

Nga ana e grupit hetimor po punohet në mënyrë intensive për identifikimin dhe kapjen e autorëve, si dhe dokumentimin e plotë ligjor të kësaj ngjarje.

n.e/NOA

KOMENTE