Spanjë, 27 Prill NOA - Është ndezur së tepërmi atmosfera e ndeshjes së Ligës së Kampionëve, ajo midis Barcelonës e Interit dhe kjo në sajë të deklaratave të shumta që janë dhënë para fillimit të saj.
Në krahun e ziklatërve në qoftë se para disa orëve prezenca e dy lojtarëve ishte në dyshim tashmë çdo gjë ka ndryshuar, pasi vetë tekniku i tyre Murinjo ka vendosur ti marrë të gjithë lojtarët e tij në "Kamp Nou".
Kështu si Sneijder dhe Balotelli do të jenë prezent në sfidën me Barçën, ku holandezi mund të përdoret nga Muirnjo që nga minuta e parë, ndërsa për SuperMarion pritet që ndeshja e tij të nisë nga pankina.
Në krahun tjetër, tek Barça një mungesë e rëndësishme do të jetë ajo e Iniestës, i cili prej kohësh po vuan dëmtimin e tij dhe nuk do të jetë prezent në sfidën me zikaltërit.
Megjithatë djemtë e Pep Guardiolës janë shprehur mjaft të entuziazmuar për këtë sfidë, ku janë të bindur se skuadra që do të jetë në finalen e Ligës së Kampionëve do të mbajë pikërisht emrin e Barcelonës.
r.b/NOA
