Tiranë, 28 prill, NOA - Në mbledhjen e sotme të Këshillit Kombëtar të Partisë Demokristiane, u ndërmorën ndryshime në statusin e saj, duke caktuar që ky organ të kthehet në Asamble.
Më tej, u emëruan edhe dy nënkryetarët e rinj të kësaj force politike, Frano Kulli dhe Baki Jazaj, ndërsa është votëbesuar drejtuesi aktual, Ndue Shpani në postin e sekretarit të Përgjithshëm.
Ndërkaq, në fjalën e tij, kryetari demokristian Nard Ndoka denoncoi edhe një herë manipulimin e zgjedhjeve që dëmtuan rëndë përfaqësimin e PDK-së.
Ai shtoi më tej se PDK do të bashkëpunojë ngushtë me opozitën për zbardhjen e së vërtetës së zgjedhjeve të 28 qershorit dhe largimin e kësaj mazhorance nga qeverisja.
Nga ana tjetër, në fjalën e tij, kreu demokristian përshëndeti edhe vendimin e Partisë Socialiste për të përfshirë në programin e saj edhe zgjidhjen e çështjes së pronës në Shqipëri dhe dëmshpërblimin e ish-të dënuarve politikë, si kolona të rëndësishme të programit të Partisë Demokristiane.
n.e/NOA
