Padova, 1 maj, NOA – Një ngjarje vërtet rrënqethëse është ajo që kanë arritur të zbulojnë forcat e rendit në qytetin italian të Padovas.
Një punonjës 45-vjeçar i varrezave, u zbulua se flinte në një nga varret që bëheshin gati për t’u hapur, në pritje të të vdekurve që mbërrinin në këtë varrezë.
Dhe këtë e bënte pasi nuk kishte shtëpi dhe ku të fuste kokën.
Pasi u krye një njoftim lidhur me këtë në polici, punonjësi i mjerë i varrezave u gjet nga karabinierët duke fjetur i futur në një varr në varrezat e Mellaredo Panigati në Padova.
I shkreti argumentoi menjëherë në polici se këtë e bënte pasi “me një rrogë prej 1000 € në muaj nuk ishte në gjendje të paguante qeranë”.
n.e/NOA
