Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Operacioni “Mëngjes i freskët”, kapen 29 kg kanabis, arrestohen 3
English

Operacioni “Mëngjes i freskët”, kapen 29 kg kanabis, arrestohen 3

Durrës, 1 maj, NOA – Tre persona janë arrestuar mëngjesin e sotëm në Durrës në vendin e quajtur “Rrota e kuqe” në lagjen nr. 13. Arrestimi i tyre është bërë pasi në makinën me të cilën udhëtonin u është gjetur një sasi prej 29,053 kg Cannabis Sativa.

Lajmi konfirmohet nga Policia e Durrësit e cila jep dhe identitetin e saktë të autorëve. Bëhet fjalë për, Dorjan Kanani, 22 vjeç, lindur e banues në Përmet, Lirak Bejko, 45 vjeç, lindur dhe banues në Tiranë, i dënuar më parë në vitin 1985 me 10 vjet burg për veprën penale të tentativës së arratisjes dhe Arjan Peçi, 43 vjeç, lindur e banues në fshatin Varash të Përmetit, i dënuar më parë për veprën penale të tentativës së vrasjes.

Operacioni i koduar “Mëngjes i freskët” ka përfunduar mëngjesin e sotëm në orën 07.20 minuta në qytetin bregdetar.

“Në bazë të punës hetimore të kryer nga efektiva të Seksionit Kunder Narkotikeve, u ushtrua një kontroll në automjetin tip Mercedez Benz me targa PR 0888 B, i drejtuar dhe në pronësi te shtetasit Arjan Peçi, në të cilin po udhëtonin edhe shtetasit Dorjan Kanani e Lirak Bejko”, thuhet në njoftimin e policisë.

Kontrolli i policisë evidentoi një çantë me një sasi prej 29 kilogramë Cannabis Sativa, e cila ishte ndarë në 28 pako.

Policia sekuestroi edhe autoveturën me te cilën udhëtonin tre personat. Gjithashtu po hetohet dhe për implikimin e të tre personave në këtë çështje si dhe për tregun ku ishte destinuar droga.

m.xh/NOA

KOMENTE