Tiranë, 4 maj, NOA – Pala shqiptare dhe ajo malazeze kanë nënshkruar një memorandumi mirëkuptimi për Bashkëpunim në luftën e përbashkët kundër korrupsionit.
Dokumenti në fjalë u nënshkrua mes drejtoreshës së departamentit të Kontrollit të Brendshëm Administrativ, Ivi Kaso dhe Vesna Ratkovic, drejtoreshë e departamentit Antikorrupsion pranë Këshillit të Ministrave dhe Drejtorisë për Nismat Antikorrupsion të Republikës së Malit të Zi.
Nisur nga rëndësia që qeveritë e të dy vendeve i kushtojnë çështjes së parandalimit dhe luftës kundër korrupsionit, ky memorandum mirëkuptimi nënshkruhet në kuadrin e forcimit të bashkëpunimit rajonal në këtë fushë, si një nga mjetet e rëndësishme të luftës.
Ai synon të forcojë bashkëpunimin midis dy institucioneve homologe fqinje, të cilat kanë ngjashmëri si në funksione, ashtu edhe në kompetenca.
Kryerja e veprimtarive të përbashkëta (trajnime, konferenca etj.), shkëmbim i informacionit, shkëmbim i njohurive dh praktikave më të mira janë disa nga elementet më të rëndësishëm në të cilët do të bazohet bashkëpunimi i këtyre dy institucioneve.
n.e/NOA
