Spanjë, 7 Maj NOA - Skuadra spanjolle e Realit të Madridit, pas një sezoni i cili nuk mund të quhet i suksesshëm për to, kërkon të ndryshojë sezonin e ardhshëm dhe kërkon që këtë ndryshim ta nisë që nga trajneri i saj.
Sipas të përditshmes spanjolle “Marca”, vetë stafi drejtues i klubit ka bërë të ditur se objektivi i tyre kryesor për stolin e ekipit, është trajneri i Interit, Jose Murinjo.
Kjo zgjedhje vjen pasi madrilenët po kërkojnë teknikun më të mirë për momentin dhe duke parë se së fundmi portugezi është zgjedhur si trajneri më i mirë në botë, atëherë ai është pjesë e synimeve primare të Realit.
r.b/NOA
