Serbi - Zbulohet Një Varr Masiv Në Jug Të Vendit
- Besohet se janë varrosur trupat e 250 kosovarëve -
BEOGRAD, 10 maj /ATSH-ANSA/ - Një varr masiv, me eshtrat e rreth 250 shqiptarëve nga Kosova të vrarë gjatë konfliktit të armatosur në fund të viteve nëntëdhjetë, është zbuluar në rajonin jugor të Serbisë, pranë kufirit me Kosovën, deklaroi sot për agjencinë e lajmeve ANSA, prokurori serb për krimet e luftës, Vladimir Vukcevic.
"Besojmë se në atë varr janë eshtrat e rreth 250 kosovarëve të vrarë në luftën e viteve 1998-1999. Kemi dhënë urdhër për nisjen e gërmimeve", deklaroi prokurori, sipas të cilit varri i përbashkët ndodhet në Rudnica, pranë lokalitetit Raska, në Serbinë jugperëndimore, jo shumë larg kufirit me Kosovën.
/e.v/
