Itali, 13 Maj NOA - Skuadra e Juventusit ende nuk ka vendosur se kush do të jetë trajneri i tyre për sezonin e ardhshëm të Seria A.
Pas tërheqjes së Benitezit nga ky rol, tashmë dhe kandidatura e Delnerit duket të mos jetë bindëse për drejtuesit e klubit dhe në veçanti për presidentin e saj, Andrea Agneli.
Me sa është bërë e ditur nga mediat italiane, Andrea ka një preferencë të tijën dhe ajo mban emrin e teknikut aktual të Fiorentinës, Cesare Prandelli.
Sipas tij tekniku vjollcë do të ishte ideali për skuadrën e Juventusit dhe do të bënte të mundur që skuadra e bardhë e zinjve, të kthehej në nivelet e shkuara.
r.b/NOA
