Tiranë, 17 maj, NOA – Një tjetër greviste është dërguar në spital pak momente më parë. Grevistja e 50-të që largohet është deputetja e qarkut të Beratit, Ermonela Felaj.
Largimi për në spital është bërë pas një sërë komplikacionesh në shëndetin e saj pas 17 ditësh në gren e urisë.
Felaj është transportuar në spital pak minuta më parë. Ndërkohë që në Qendrën Spitalore Universitare “Nënë Tereza”, Felaj, veç mjekëve është pritur dhe nga Kryetari i Partisë Socialiste, Edi Rama.
Rama ka qenë në spital për të vizituar grevistët e tjerë që janë shtruar prej disa ditësh.
Ndërsa pak orë më parë në spital u dërgua dhe Flora Hasanaj, 45 vjeç nga Tirana. Lënia e grevës nga ana e saj është bërë për shkak të problemeve që ka pasur me tensionin.
Greva e urisë së 22 deputetëve socialistë dhe 180 mbështetësve të tyre, e iniciuar që nga mbrëmja e 30 prillit poshtë godinës së Kryeministrisë, ka hyrë sot në ditën e saj të shtatëmbëdhjetë.
Paraditen e sotme u larguan nga greva Agim Seva nga Lushnja dhe Ferdinand Kapllanaj nga Mallakastra.
m.xh/NOA
