Topi: Inkurajoj Dialogun Politik Për Zgjidhjen E Krizës
TIRANË, 18 Maj/ATSH/.-Presidenti i Republikës, Bamir Topi inkurajoi sot dialogun politik mes palëve, si çelësin e suksesit për zgjidhjen e krizës politike në vend.
"Po ndjek me shumë vëmendje situatën dhe inkurajoj dialogun politik. Gjithsesi, çelësi i suksesit është dialogu politik, afrimi i dy palëve, së pari për të riinstaluar dialogun, pastaj për t'u futur në ato terma, të cilat mbi të gjitha janë mekanizma ligjorë', u shpreh Presidenti Topi.
Ai nënvizoi se "janë të gjithë instrumentët për të shkuar drejt zgjidhjes së një krize, e cila së paku për mekanizmat ligjore dhe institucionale nuk mungon. Pra, duhet edhe vullneti dhe i inkurajojmë".
Kjo deklaratë e Presidentit të Republikës, u bë në përfundim të veprimtarisë së organizuar sot në Teatrin e Operas dhe Baletit me rastin e Ditës Kombëtare të Jetimëve./a.s//n.m/
